19

ന്യൂഡൽഹി: മുഖ്യമന്ത്രിയെ സംബന്ധിച്ച സസ്പെൻസ് നിലനില്ക്കെ എഐസിസി നിരീക്ഷകരുമായി ചാർട്ടേർഡ് വിമാനം ഡൽഹിയിൽ നിന്ന് തിരുവനന്തപുരത്തേക്ക്. വൈകുന്നേരം നാലിന് വിമാനം തലസ്ഥാനത്തെത്തുമെന്നാണ് വിവരം.

നിരീക്ഷകരായ അജയ് മാക്കനും മുകുൾ വാസ്നിക്കും കേരളത്തിന്‍റെ ചുമതലയുള്ള ദീപാദാസ് മുൻഷിയുമാണ് വിമാനത്തിൽ ഉണ്ടാകുകയെന്നാണ് വിവരം. അതേസമയം, വിമാനത്തിൽ കെ.സി. വേണുഗോപാലും ഉണ്ടാകുമോ എന്നാണ് ഏവരും ഉറ്റുനോക്കുന്നത്.

മുഖ്യമന്ത്രിയെ മുദ്രവെച്ച കവറില്‍ നിയമസഭാ കക്ഷിയോഗത്തില്‍ പ്രഖ്യാപിക്കാനാണ് നീക്കം. തിരുവനന്തപുരത്ത് കെപിസിസി ആസ്ഥാനത്ത് വെച്ചാണ് നിയമസഭാ കക്ഷി യോഗം നടക്കുന്നത്. അതേസമയം, യോഗം വൈകുമെന്നാണ് സൂചന.

വി.ഡി. സതീശനും രമേശ് ചെന്നിത്തലയും യോഗത്തിലുണ്ടാകും. ഇന്ന് തന്നെ യുഡിഎഫിലെ നിയമസഭാ കക്ഷി നേതാക്കള്‍ ഗവര്‍ണറെ കാണുമെന്നാണ് വിവരം.